Producer ropui leh music icon Quincy Jones a thi
Rimawi khawvela hming dai tawh lo tur, producer leh hlaphuah lama miropui zinga chhiar tel ni reng tawh tur, kawvel zaithiam lar tam tak lo thawhpui tawh leh mi tam tak lar chhuah nana sul sutu ni bawk Quincy Jones, kum 91, chuan mual a liam ve ta. A thih thu hi a publicist Arnold Robinson chuan niminpiah khan a puang a, Bel Air, California-a a chenna inah, a tu leh fate leh a chhungkhat laina hnai ten an dawm hlum a ni.
Quincy Jones hian kum 70 vel zet chu rimawi khawvelah a lo inchiah ve tawh a, Frank Sinatra atanga Michael Jackson thlengin a lo thawhpui tawh. Chicago khawchhuak niin, 1950s khan arranger leh composer angin bul a tan a, Ray Charles, Count Basie leh Duke Ellington te pawh a lo thawhpui taw bawk.
Jones hian Grammy Awards 28 dawngin, Grammy dawn tam theihah pathumna a ni a, 1985-a Micael Jackson leh Lionel Richie te hla hit, a hunlaia khawvel huap zaithiam rualin an sak ‘We Are The World’ pawh kha Quincy Jones produce a ni a, Michael Jackson album ‘Off The Wall, ‘Bad,’ leh ‘Thriller’ te pawh a produce a, TV show ‘The Fresh Prince of Del Air’ pawh a produce a ni.
Composer leh record producer, TV producer leh arranger te a nih bakah Jones hian film te pawh a produce a, conductor niin, record company executive te pawh a ni thei a, khawvel huap record label lian thama mihang zinga vice president ni thei hmasa ber a ni bawk.
Producer ropui leh music icon Quincy Jones a thi
Get real time updates directly on you device, subscribe now.
Prev Post