‘Project: Chawlhna Krista’ a chhuak dawn ta

‘Project: Chawlhna Krista’ a chhuak dawn ta
Chris MS Dawngkima’n zaithiam leh musician te sawm khawma a hlaphuah hrang hrangte hmanga Pathian fakna hun an buatsaih ‘Project: Chawlhna Krista’ chu peih fel a ni ta, episode pahnihah thenin, zanin dar 8 hian Episode-1 tih chhuah a ni dawn a, Zonet Zawlbuk leh LPS 10-ah te tihchhuah a ni ang a, August ni15 (Zirtawpni) tlai dar 4:00 atanga en theih turin YouTube ‘chris ms dawngkima channel’-ah dah a ni bawk ang. Episode-1-ah hian hla 11, live performance recording music video kan hmu thei dawn e.
Episode-2 pawh tihchhuah leh thuai an tum niin Chris-a chuan a sawi a, hetah pawh hian hla 11 music video live recording bawk a awm leh ang. ‘Project: Chawlhna Krista’ video hi M-Space kutchhuak niin, audio hi ‘EFX Audio’ a ni a, live recording hi Active Sound-in an buaipui ve thung.
Project: Chawlhna Krista Episode-1 a hla awm leh a satu te:
1. Krista nen kan inzawm (Sakramen hla) – JB Acappella
2. Krista a nung (Thawhlehna hla) – The Leprosy Mission Choir
3. Dikna – Cindy Lalthanpuii & Steward Lalrochama
4. Sam 23 – Samuela Lalmuanchhana & Zorinsanga Sailo
5. Zin kawng tha ber Isua nen – Melody Lalzirliani
6. Kraws i chawi sang a – Isaac Hnamte
7. Siamtu chawimawi nan – Zoramchhani
8. Rinawmin i tan – Steward Lalrochama
9. A hmangaih ka fak zual ang – R. Lalrinmawii
10. Jakob-ho Pathian – Stacy VL Muanpuii
11. Ka novah a liam (Chorus) – Various artistes