Property tax lak dan siamtha Chhiah pek tur a pung dawn

15th Finance Commission nawrna avangin property tax lak dan phung siamthat a ni dawn a, mipui chhiah pek tur pawh a pung dawn tih Aizawl mayor Lalrinenga Sailo chuan a sawi.
Online-a Property Tax pek theihna tur, AMC Property Tax Management Software (PTMS) chu Thawhlehni khan Aizawl mayor hian a tlangzarh a. Mipui tan awlsam zawka Property Tax pek theih tura ruahman chu tangkai taka an hman a duhsak tih a sawi. AMC-in hmasawnna tam tak a neih zel rualin, Property Tax atanga sum lakluh pawh nasa takin a pung zel, tiin, “Property Tax hi 15th Finance Commission nawrna avangin classification siamthat a ni dawn a, mipui chhiah pek tur pawh a pung dawn a, hei hi hrethiam turin mipui ka ngen nghal a ni,” a ti. Hemi tur hian survey an nei tawh a, a hmaa veng hnufual deuh thin pawh veng hmasawn leh changkang an lo nih tak avangin tehfung leh kalphung hi siamthat a ngai dawn ta tih a sawi a ni.
Website: property.amcmizoram.com ah lutin Property Tax hi online-in engtik lai pawhin a pek theih tawh a ni.