PU College-in zirlai
chhuak turte an thlah
Pachhunga University College chuan an zirlai, class of 2025 tan Zirtawpni khan anmahni hmunah Grad Dinner Programme an buatsaih.
PUC principal Prof H Lalthanzara’n final semester zirlaite fuihna thu a sawi a. Zirlaite aiawhin Vanlalhriatpuii, 6 Semester zirlai chuan thu a sawi a ni. Prof LH Chhuanawma’n zirlaite fuihna thu a sawi bawk.
Kuminah hian zirlai 707 (BA 433, BSc 205, B.Com 48 leh BBA 21) in Pachhunga University College atangin Mizoram University hnuaia under graduate final exam an hmachhawn a. College zirtirtute chuan kumdang aia UG final exam an tlem ber tum niin an sawi.
CUET (Common University Entrance Test) hmanga admission an tih tan kum, 2022-a lut an ni a, hemi kum hian admission system a inthlak avangin zirlai lut pawh an tlahniam hrim hrim tih an sawi.
PU College hian kum 2005 atang khan kumtin zirlai pass chhuak turte tan Grad Dinner hi an buatsaih a ni.
PU College-in zirlai chhuak turte an thlah
Get real time updates directly on you device, subscribe now.
Prev Post
Next Post