Puantahtute puantah in sakna tur pe

Puantahtute puantah in sakna tur pe
Commerce & Industry department buatsaihin Thingsulthliah-ah National Handloom Development programme kaltlangin puantahtute hnenah puantahna in sakna tur Rs 60000 1st installment pek an ni.
Minister chuan tanpuina an dawn chu a hmanna tur dik takah an hman a, taima taka puan an tah chuan eizawnna tlak, chhungkaw chawmna tlak an thawk chhuak thei tih a sawi a ni.
India ram hmun hrang hrang bakah Sapram thleng pawhin Mizo kutchhuak puan thawn chhuah a nih tawh avangin puantah chu eizawnna tha tak a ni tih sawiin, “Mizote hian hmeichhe thawh turah kan ngai thin a, mipa tan pawh puantah hi eizawnna tlak, hna tha tak a ni,” a ti.
Sawrkar laipuia Ministry of Textiles hnuaiah Thingsulthliah cluster-ah puantahtu mi 50 tanpuina tur sum dawn a ni a. 1st installment mi 10 hnenah puantah in sakna Rs.60000 theuh pek an ni. Heng mite hian puantah khawl puan an tah theih mai na tur an dawng leh dawn a ni. A dang zawng chuan 2nd installment hmuh hunah an dawng ang.