Puka ruhro hmuchhuaktu
hriatrengna lungphun siam
Champhai district Farkawn ram chhunga awm, Lamsial Puka ruhro hmuchhuaktu, Taisanga hriatrengna lung chu tunhnai khan phun a ni.
Hriatrengna lungphun senso hi ICFAI University Mizoram-a Department of Mizo and Cultural Studies-in tumin YMA Zawra Veng Branch Farkawn-in a tul dangte an buaipui a ni.
Lamsial Puk hi kum 1951 vel khan Taisanga ram vakin a hmuh chhuah a ni a. Lamsial rama awm a nih avangin a hnuah ‘Lamsial Puk’ tih a ni. A hmuchhuaktu Taisanga hi kum 1921-ah Farkawnah a piang a, 2011 January 23 khan Champhai Ruantlangah a thi a ni.
Lamsial Pukah hian lu ruh, khabe ruh, ngal ruh, ban ruh leh ruh dang engemawzat a awm a. Heng ruhro hi kum 1976 khan Archaelogical Institute Mumbai (AIM) ah exam tura thawn a ni a. AIM-in a lo endikna atanga a lan danin, Lamsial Puka ruhro awmte hi AD 1650 vel ami nia hriat a ni.
Helai velah hian tunhmain Lamsial hnam an cheng tawh thin a. Lamsial Puka ruhro awmte hi darthlalang bawma dahthat niin, kumtin zirlai, adventure club, mimal leh pawl hrang hrang bakah state pawn atangin an tlawh reng a. Farkawn Heritage Preservation Society-in a enkawl a ni.
Puka ruhro hmuchhuaktu hriatrengna lungphun siam
Get real time updates directly on you device, subscribe now.