Sportwar brand Puma leh K-pop girl group BLACKPINK member Rose te chuan tawhdunna tur thuthlung an neih hnuah Puma hian Rose nena an campaign hmasa ber khuhhawnna an nei ta. Puma hian thla kalta mai khan Rose hi an brand ambassador atan an puang chauh kha a ni a, tunah chuan Rose hi Puma tan a che chhuak nghal der tawh a ni.
Rose hian Palermo range thar rawn phochhuakin, low-top sneakers thar a rawn tar chhuak a, a statement-ah “music leh style kal kawp” tiin an dah a, “Ambassador anga Rose tih tur chu Puma global campaign leh atan a hmathlir, a aw, leh a thiamna danglam tak mai lantir a ni,” an ti bawk.
June ni 17 khan Puma ambassador atan Rose ruat a nih thu hi puan a ni a, Rose pawhin, “Puma chhungkuaa ka zawm ve ta hi ka phur hle mai,” a ti a, Puma hian ambassador atan Rihanna, A$AP Rocky, Dua Lipa leh Skepta te pawh an hmang mek a, Rose hian, “Ka fan-ten Puma nena bung thar kan kaina tur hi inhmuh ve theih thuai ka duhsak hle mai che u,” a ti bawk.
Rose, a hming tak Roseanne Park hi Auckland, New Zealand a piang niin, Melbourne, Australia a seilian a ni a, kum 15 a tlinin South Korean music company YG Entertainment tan audition a nei a, ngaihven a hlawh nghal hle a, South Korea-ah pemin, August 2016-ah K-pop quartet BLACKPINK tan a debut a, tunah chuan khawvel huapa tunlai hmeichhe group lar ber an ni ta a ni.
Puma tana Rose campaign hmasa ber
Get real time updates directly on you device, subscribe now.
Prev Post