Pune metro line siamna tur online in hawng dawng

Prime Minister Narendra Modi chuan Pune Metro line siamna tur lungphum chu ruahman lawk angin naktuk hian a phum dawn a, amaherawhchu a hmunah a kal theih dawn loh avangin online hmanga a tih tur thu tihchian a ni.
Ruahman lawk ang chuan Modi hian ningani khan Pune hi thleng tur a ni a, mahse India ram hmun thenkhatah ruah a sur nasat avang leh Pune-ah pawh ruahtui a tlak tam em avangin a kal tur hi a thulh leh a ni.
Pune Metro line lung a phum tur hi inthlang mai tur an nih avanga BJP campaign-na pakhat nia ngaiin eptute chuan an sawisel nasa hle thung.
Shivajinagar District Court atanga Swargate thleng awh tur hi metro line hi a lungphum phum a ni dawn a, a taka hman leh a hlawhtlin nghal thuai a beiseiawm, tiin Murlidhar Mohol, union minister leh Pune MP ni bawk chuan a sawi.
Maharashtra Pradesh Congress Committee (MPCC) vice president Mohan Joshi chuan, party campaign na mai a ni, a ti ve thung a, an term liam ta zawng zawngah khan tihna hun a tam lutuk, a hmuna lokal thei lo chunga tuna taka a rawn ngaihven viau hi inthlan kan hmachhawn mai tur vanga rawn ti thar mai mai a ni, a ti.