Punjab-ah loneituten darkar thum rel tlan tur dang
An lo sawi lawk tawh angin nimin khan Punjab hmun engemawzatah loneitute chuan rel tlan tur dangin, rel kawngah nawrh an huaihawt.
‘Rail Roko’ tia an sawi nawrh an huaihawtna hi sorkar laipui auh eih nana tih an nih thu an sawi a, an thil phut hrang hrang pawm turin central chu an au chhunzawm bawk.
Loneitu lam hruaitu Sarwan Singh Pandher chuan loneitute chuan chhun dar 12 atanga tlai dar 3 thleng rel kawng dan hi an kalpui tih a sawi a, a hlawhtling hle niin a sawi.
Kisan Mazdoor Morcha leh Samyukta Kisan Morcha-te nawrh huaihawtna hi February ni 13 atang khan tan a ni a, Punjab leh Haryana loneitu tam takte he pawlah hian telin, an nawrh huaihawtna hi a lian zel a, Delhi thleng ke a kal an lo tum tawh bawk a ni.
Hetih lai hian sorkar laipui chu an thilphut chungchangah hian a la ngawi reng a, loneitu lamte hian an kal zel dan tur an la ngaihtuah tha leh dawn nia sawi a ni bawk.
Punjab-ah loneituten darkar thum rel tlan tur dang
Get real time updates directly on you device, subscribe now.
Prev Post