National Education Policy 2020-in primary school atanga higher secondary school thlenga zirlai leh zirtirtu inbitum dan tur Pupil – Teacher Ratio (PTR) a bituk dan chuan zirlai 30 zirtir turin zirtirtu pakhat (30:1) a tawk, a ti a. Hmun chengker deuh, khawsak harsatnaah chuan 25:1 pawh hman tur, a ti bawk a. Hetih lai hian Mizoram PTR chu 12:1 a ni a, zirtirtu pakhatin zirlai 12 zel zirtir ang a ni. Chumi awmzia chu, zirtirtuten hneh takin zirlai an zirtirin an vil thei tihna a ni. Hei hi directorate of school education report atanga chhutchhuah a ni.
PTR 12:1 hi chawhruala chhut chhuah a ni a, school hrang hrang dinhmun erawh a inthlau thei hle thung.
Sawrkar sikul – middle leh high school-ah phei chuan PTR hi 7:1 leh 10:1 a ni nghe nghe. Hei hi kan dinhmun a ni chungin school thenkhatah chuan zirtirtu an tam a, zirlai an tlem a; thenkhatah zirtirtu tlemte an awm a, zirlai an tam leh em em a, zirtirtu leh zirlai inkhairual lo hi siam rem a nih chuan zirtirtu indaih lo tih hi a awm thei dawn lo tihna a ni.
Heti khawpa indaih zirtirtu an awm chung hian a inkhairual loh em avangin hmun thenkhatah chuan zirtirtu an awm mumal loh avanga zirlai nuarin sikul an chawlhsan hial te, khawtlang leh nu leh pate pawhin zirtirtu ngiat nana lungawilohna lantir hialna te pawh a thleng fo a. Chutih rualin zirlai pawl ten zirtirtu indaihlohna siam rem tura sawrkar phutin lungawilohna hrang hrang an lantir chamchi thin bawk.
Hetih lai karah hian, zirtirtu thenkhat, aikal la thei an la awm cheu a ni awm e.
Tun dinhmunah hi chuan, zirtirtu pension-a chhuak tur awm ve deuh reng mah se, zirtirtu lak belh vak lo pawhin, a awmsa siam remin hun rei tak a la kal theih niin a lang a, chu chu sawrkar hian han siam rem se, keini state pachhe tak tan hi chuan inrenchemna tha tak, sum ‘save’ na tha tak a ni ngei ang.
Pupil -Teacher Ratio 12:1
Get real time updates directly on you device, subscribe now.
Prev Post