Puri Shankaracharya’n a tel loh tur thu sawi nawn

January 22 a Ayodhya-a Ram Temple ‘Pran Pratishtha’ ah a tel loh tur thu sawi nawnin Puri Shankaracharya Swami Nischalananda Saraswati chuan sakhua leh thlarau lam thila politics inrawlh tir chu a duhawm lo, Constitution pawhin a remti lo tiin a sawi.
“Politician ten limit an nei a, an mawhphurhna te Constitution-in a siam a ni. Sakhuana leh spiritual thilah chuan rules leh regulation te a awm a, chungte chu zawm tur a ni. Kawng engkima politician te inrawlh vek chu mawlna a ni a. Constitution ang phei chuan sual buru tak a ni” tiin Shankaracharya chuan a sawi.
Heng thute hi Puri Shankaracharya hian West Bengal a Ganga Sagar Mela neihnaa a kalnaa a sawi a ni a. Journalist te hnenah Shankaracharya ngei pawh kal theihna, inrawlh theihna nei niin ei tur eiah pawh theih leh theih loh a nei a ni a ti bawk.
Shankaracharya chuan ‘murti pratishtha’ chungchangah scripture in a sawi angin rules a awm a, chungte chu head of state emaw Prime Minister in emaw chung rules te chu a zawm tur a ni a ti bawk a.
“Heng rules te kal kana mimal pakhat hming tihlar tum hi Pathian laka helna a ni a, chhiatna kawng zawhna a ni” tiin Puri Shankaracharya chuan a sawi bawk a. Ayodhya-ah ngei pawh a kal chhunzawm reng tur thu sawiin, mahse January 22-a Ram Mandir ‘Pran Pratishtha’ ah chuan a tel dawn loh thu a sawi chiang nawn a ni.
Chumai bakah Shankaracharya pali te chuan August 22-a Ram Mandir hawnna neih turah engmah ngaihdan inmillo an nei lo tia sawiin tute pawh dan an tum loh thu a sawi bawk.
Swami Nischalananda Saraswati chuan Shankaracharya te chu religious leh spiritual thilah an chungnung chungin temple a ‘garbh griha sanctum sanctorum’ ah hmun an pe ve lo va, pawn lama lo nghak tura tih an ni a ti bawk a. “Kei chuan hei hi ka pawm ve thei lo. Ram Temple hawnna event-ah thu-a kut lo ben kha ka duh lo” tiin Puri Shankaracharya chuan a sawi bawk.

Thackeray-an President Droupadi Murmu ni se duh
Shiv Sena (UBT) chief Uddhav Thackeray chuan President Droupadi Murmu chuan January 22 a Ayodhya-a Ram Temple consecration ceremony neihnaah a titu a ni tur a ni a, chu chu ‘national pride’ leh ‘ram self-respect’ atan pawha pawimawh a ni tiin a sawi.
Thackeray chuan President Murmu hnenah lehkha thawnin January 22 Ayodhya-a Ram temple consecration ceremony neih ni takah Nashik-a Kalaram temple-a aarti ti turin a sawm bawk a.
Prime Minister Narendra Modi leh ruling BJP te chu deu bawkin Thackeray chuan Ram Mandir-ah PM awm tlem se, Lord Rama idols awm tam se a ti bawk.
“Ayodhya Ram temple consecration hi national pride leh ram anga self-respect thil a ni a. Consecration ceremony hi President Murmu tih tur a ni” tiin Thackeray chuan a sawi a.
Uddav Thackeray chuan Gujarat a Somnath temple siamthat a nih khan formal ceremony kum 1951 a neihah khan India President hmasa ber Dr. Rajendra Prasad a tel a ni a ti.
Ram temple sak chu a pa Shiv Sena dintu Bal Thackeray dream a nih thu sawiin tunah temple sak a ni ta chu a lawm thu a sawi bawk a.
“Ram bhakt, desh bhakt(patriot) ka ni a, andh bhakt(blind devotee) ka ni lo. Ram temple sak pawh hi ka pa dream a ni bawk a. Temple sak a nih theihna chhan chu Shiv Sainik te leh kar sevak tena nawrhna huaihawta an kalpui vang a ni a, Ram mandir sak a nih nan hian BJP te inbeihna tak taka kawtthlera chhuak ve ngai lo ten tha an thawh lo” tiin Uddav Thackeray chuan a sawi bawk.