Putin-an Kim hnenah Limousin car pe

Russian President Vladimir Putin chuan Russian siam luxury xar chu North Korean leader Kim Jong Un hnenah a pe.
Pyongyang chuan thuchhuah a siamah limousine chu Pathianni khan Kim thuihhruaite hnenah hlan a ni tiin a tarlang a.
Krelin thupuangtu Dmitry Peskov pawhin thuchhuah siam zuiin Putin ngei pawhin a hman Aurus fukll-sized luxury sedan chu Kim hnenah pek a ni a ti bawk.
Ram pahnih te hi khawvelin a kawmserh mek te niin tun hnaiah an inlaichinna an siamtha dun hle a.
North Korea hian Russia chu tunhnaiah artillery, rocket leh ballistic missile te Ukraine indona kalpui mek karah a pe tia sawi a ni a. Mahse, hei hi ram pahnih te chuan an pha ve ve thung.
Nikum September khan Kim chuan Russian Far East a Vostochny Cosmodrome a tlawh bawk a, kum li hnua an ram a chhuahsan hmasak ber niin Putin an a lo hmuak hial a ni.
Khami tum khan North Korean leader chuan Putin a Aurus Senat limousin chu en velin a chhungah pawh a chuang tih a ni a. Hei bakah hian silai pawh an in pe bawk.
Kim Jong-Un chu car lawm taka sawi niin luxury foreign vehicles pawh a kawl teuh tia sawi a ni.
Kim farnu Yo Jong chuan car inpek chuan hruaitu pahnih te inlaichinna thuk zia a pholang tiin a sawi niin North Korean state news agency KCNA chuan a tarlang bawk a.
Mahse South Korea thung chuan Putin an car a pek chuan UN Security Council in North Korea a hrekna a kalh tia sawiin hrekna kalpui zingah luxury car te pawh a huam vek tiin a sawi ve thung.
North Korea leh Russia te an inkawmngeih thar hle a, North Korea in ralthuam a pek laiin Russia chuan space technology lamah a pui ve thung a. Ukraine indonaa ralthuam tam tak pawh North Korea in Russia hnena a pek nia ngaih a ni.