Putin leh Li Qiang te an inhmu

Russian President Vladimir Putin chuan Chinese Premier Li Qiang hmuin ram pahnih insumdawntawnna chungchang sawi dunin Moscow chu Beijing lakah political leh economic support lamah a innghat thuk zual zel bawk.
“Kan sumdawntawnnain hma a sawn a, a hlawhtling hle a ni. Ram pahnih tena trade and economic lama thawhdunna an neih chuan hma a sawn zel a ni” tiin Putin chuan Kremlin a meeting neihnaah a sawi a.
Hei bakah hian Putin chuan Russia leh China te chuan economic thilah project lian tham tak an kalpui mek tiin a sawi bawk a.
“Chinese-Russian inlaichinnain tun hma zawng aiin a tawngsang a ni” tiin Li, a hma lawka Prime Minister Mikhail Mishustin titipuitu chuan a sawi bawk.
Hetih lai hian Russia chuan Kursk region a Ukraine-in a runna karthum hnuah pawh a nawr let hlei thei lo va. Tun hnaiah Ukraine buaina chhuah hnua Moscow-in Russian capital drone hmanga beihna nasa ber a tawk bawk.
Russian news report chuan Putin leh Li chuan Ukraine chungchang an sawi em tih engmah sawi an nei lo bawk a. Ukraine buaina chungchangah China chuan neutral intiin mahse Russia-in khawthlang ram a huatna chu a tawmpui thung.
Khawthlang ram tena Ukraine a run avanga Russia an hrek vak laiin China thung chuan Russian oil te man man zawkin a leisak char char thung a ni.