Qatar GP zawhah pawh champ tur la chiang lo!

On Dec 2, 2025 2 0

Pathianni khan Formula One championship kal laia intlansiak hnuhnungber dawttu Qatar Grand Prix an tlan a, chak se title la fel thei tawh tur Lando Norris chuan McLaren strategy error tuarin lawman semna dawhsan pawh a luah pha lo a, palina daiha a thlen laiin season tawp hnaih tawh lama hmahruaitu McLaren driver pahnih rawn chhaihbuai zualtu Max Verstappen bawk a chak leh ber a, kartawp hian Yas Marina Circuit-ah Abu Dhabi Grand Prix hmangin season an khar dawn a, thuang thumin title an inchuh dawn ta a ni.
Kumin hi kum 15 chuang chhunga Formula 1 season kharna intlansiaka driver pahnih aia tamin title an inchuh vawi khatna tur chiah a ni.
Qatar tlankawnga Red Bull khalhtu Verstappen a thlen hmasak ber avangin driver standing lamah Briton Norris chuan hma la hruai der der bawk mah se a McLaren team-mate Oscar Piastri lehpela pahnih rawn luah chho ta Dutch driver ropui Verstappen nena an inthlauhna hi point 12 chiah a ni ta a; pathumnaa chhuk Piastri leh Red Bull driver inthlauhna chu point li lek a ni thung!
Chuti lek leka inthlau driver pathumte chuan kartawp Pathianni hian Abu Dhabi tlankawngah beisei la nei thiang vek chungin title an inchuh dawn a, tu kutah ber nge title a luh dawn sawilawk theih a ni lo!
Norris tan hian champion turin ‘chance’ chu a la tha ber tho a, an point inthlauh dan enin Yas Marina Circuit-ah hian Verstappen bawk chak leh pawh ni se lawmman semna dawhsan hniam ber luaha pathumna chauh pawh a nih phak chuan Briton hian championship hnehna a chang zui thei tho dawn a, McLaren driver tan podium luah phak hrim hrim a pawimawh dawn.
Hei hi a dinhmun ni mah se Englishm an Norris-a tan title a tawlh liam thei tho a, pressure sang tak hnuaiah a talbuai palh thei!
Kum 2010 pawh khan Ferrari driver Fernando Alonso chuan Red Bull khalhtu Mark Webber laka point riata tam leh Red Bull driver tho Sebastian Vettel laka point 15 laia sang chungin season kharna Abu Dhabi a pan a, F1 history-a championship kharna pui berte zinga pakhatah khan Ferrari lamin strategy-ah harsatna an tawk hlauh a, Vettel-a tan a career-a a title hmasaber a hmin phah lel a nih kha!
Tun Pathianni Qatar Grand Prix-ah pawh khan a tir lama race safety car tlanluh hnuah McLaren chuan ‘strategy’ fel lo an tuar a, chu chu Verstappen khan hlawkpuiin season kal laia a vawi sarihna atan a chak a, Norris leh Piastri-te nen kumina an chak zat a intluk ta chiah a ni.
Qatar-ah khan Australian Piastri pahnihnaah thlengin, pathumna chu Williams driver Carlos Sainz a ni.
Qatar Grand Prix race result

Pos. Driver Ram Team Laps

1 Max Verstappen NED Oracle Red Bull Racing 57 laps
2 Oscar Piastri AUS McLaren F1 Team +7.995s
3 Carlos Sainz ESP Atlassian Williams Racing +22.665s
4 Lando Norris GBR McLaren F1 Team +23.315s
5 Kimi Antonelli ITA Mercedes AMG Petronas F1 Team +28.317s
6 George Russell GBR Mercedes AMG Petronas F1 Team +48.599s
7 Fernando Alonso ESP Aston Martin Aramco F1 Team +54.045s
8 Charles Leclerc MON Scuderia Ferrari HP +56.785s
9 Liam Lawson NZL Visa Cash App Racing Bulls F1 Team +60.073s
10 Yuki Tsunoda JPN Oracle Red Bull Racing +61.770s
11 Alex Albon THA Atlassian Williams Racing +66.931s
12 Lewis Hamilton GBR Scuderia Ferrari HP +77.730s
13 Gabriel Bortoleto BRA Stake F1 Team Kick Sauber +84.812a
14 Franco Colapinto ARG BWT Alpine F1 Team +1 lap
15 Esteban Ocon FRA MoneyGram Haas F1 Team +1 lap
16 Pierre Gasly FRA BWT Alpine F1 Team +1 lap
DNF Lance Stroll CAN Aston Martin Aramco F1 Team 56 laps
DNF Isack Hadjar FRA Visa Cash App Racing Bulls F1 Team 56 laps
DNF Oliver Bearman GBR MoneyGram Haas F1 Team 43 laps
DNF Nico Hulkenberg GER Stake F1 Team Kick Sauber 7 laps

FORMULA 1 DRIVERS’ WORLD CHAMPIONSHIP

Pos. Driver Ram Team Wins Points

1 Lando Norris GBR McLaren F1 Team 7 408
2 Max Verstappen NED Oracle Red Bull Racing 7 396
3 Oscar Piastri AUS McLaren F1 Team 7 392
4 George Russell GBR Mercedes AMG Petronas F1 Team 2 309
5 Charles Leclerc MON Scuderia Ferrari HP 0 230
6 Lewis Hamilton GBR Scuderia Ferrari HP 0 152
7 Kimi Antonelli ITA Mercedes AMG Petronas F1 Team 0 150
8 Alex Albon THA Atlassian Williams Racing 0 73
9 Carlos Sainz ESP Atlassian Williams Racing 0 64
10 Isack Hadjar FRA Visa Cash App Racing Bulls F1 Team 0 51
11 Nico Hulkenberg GER Stake F1 Team Kick Sauber 0 49
12 Fernando Alonso ESP Aston Martin Aramco F1 Team 0 48
13 Oliver Bearman GBR MoneyGram Haas F1 Team 0 41
14 Liam Lawson NZL Visa Cash App Racing Bulls F1 Team 0 38
15 Yuki Tsunoda JPN Oracle Red Bull Racing 0 33
16 Lance Stroll CAN Aston Martin Aramco F1 Team 0 32
17 Esteban Ocon FRA MoneyGram Haas F1 Team 0 32
18 Pierre Gasly FRA BWT Alpine F1 Team 0 22
19 Gabriel Bortoleto BRA Stake F1 Team Kick Sauber 0 19
20 Franco Colapinto ARG BWT Alpine F1 Team 0 0
21 Jack Doohan AUS BWT Alpine F1 Team 0 0

2025 FORMULA 1 CONSTRUCTORS’ WORLD CHAMPIONSHIP

Pos. Team Wins Points

C McLaren F1 Team 14 800
2 Mercedes AMG Petronas F1 Team 2 459
3 Oracle Red Bull Racing 7 426
4 Scuderia Ferrari HP 0 382
5 Atlassian Williams Racing 0 137
6 Visa Cash App Racing Bulls F1 Team 0 92
7 Aston Martin Aramco F1 Team 0 80
8 MoneyGram Haas F1 Team 0 73
9 Stake F1 Team Kick Sauber 0 68
10 BWT Alpine F1 Team 0 22