Quarry chimin a delh ruang pakhat hmu zo lo

2023 kumtawp lama West Phulpui bul quarry chima ruang pakhat tun thlenga la hmuh zawh loh chu official-a zawnna tih tawp nise, a thawhna – SLT company lamin an remchan dan angin la zawn chhunzawm zel se tih a ni.
Hei hi Thawhtannia Mamit District Disaster Management Authority, an chairman, district bawrhsap VL Remliana hoa thukhawmin a rel dan a ni.
Kumin fur atana inruahman lawkna’n district chhunga mamawhna ang anga hman theih turin silpaulin lei nise an ti a. Chhiatna thlenna hmun apianga tel tur Quick Response Team chu district level leh village level-a din nise, an ti. Mamit district khaw tinah tlawmngai pawl, Quick Response Team din vek tura hma lak an rel bawk.