Rag’n’Bone Man lar chhuahna ‘Human’ music video chuan YouTube-ah vawi tluklehdingawn en a hlawh ve ta. He music video hi 2016-a tihchhuah kha niin, kuminah pawh nitin YouTube-ah vawi 3,80,000 chuang en a la hlawh ziah thei. YouTube chuan he hla hi TV show hrang hrang bakah movie leh video game-ah te an hman thin avangin an tlangzarh hlima a larna bakah a daih rei phah niin an tarlang.
Rag’n’Bone Man, a hming tak Rory Charles Graham hi British neo blues singer a ni a, a music video, minute thum a seiah hian camera hmaah dingin a zai a, hmel hrang hrang, mipa leh hmeichhia, naupang deuh leh upa deuh, mingo leh mihang te an inlan pawlh nawk a.
A hla hi May 2017 khan Billboard Hot100 (singles) chart-ah No.74 a kai a, kar sarih chhung chart-ah a lang. Chart ranking-ah sang lo mah se Amazon Prime show Oasis leh Tom Clancy ‘Jack Ryan’ bakah TV show hrang hrang ‘Thank You For Your Service,’ ‘God Frended Me,’ leh Marvel ‘Inhuman’ leh ‘Inhumans’ te theme song-ah an hmang a, video game Mass Effect: Andromeda-ah an hmang bawk a, heng te avang hian chuai hman tak tak loin, a rawn lar thar leh thin a ni.
Rag’n’Bone Man ‘Human’ video Billion view club-ah
Get real time updates directly on you device, subscribe now.