Rahul-a chu ‘comedy lalpa’ a ni : Dharmendra Pradhan

Rahul-a chu ‘comedy lalpa’ a ni : Dharmendra Pradhan
Union minister Dharmendra Pradhan chuan Congress hruaitu Rahul Gandhi chu fiamthu thiam tak, fiamthu leh a nun inzawm tlat, ‘comedy lalpa’ dik tak a nih thu a sawi.
INDIA bloc a telte chuan thawhtanni atang khan Adani buaina chungchangah parliament complex-ah lungawi lohna an lantir a, Congress member te phei chuan interview an hmachhawn laiin PM Modi leh industrialist Gautam Adani-te hmel lanna hmaikawr an vuah hlawm.
Union minister Pradhan chuan Rahul-a chu a thil tih that ber stand-up comedy a ni, tia sawiin a kap a, thudik awm rengah pawh mipuite rilru hruai sual tumah a puh zui bawk.
Parliament-ah hian inhnial buaina thleng zuiin, Leader of Opposition Rahul Gandhi leh Congress president Mallikarjun Kharge te bakah eptu party dangte chuan, Modi leh Adani chu mi thuhmun an nih thu aupuiin, rorelna dik an duh thu an auchhuahpui nasa hle.