Rahul-an NE-a ‘Bharat Mata’ tihlumah BJP te puh

Manipur buaina chungchangah BJP te na taka beiin Congress leader Rahul Gandhi chuan BJP te politics chuan Northeast-ah ‘Bharat Mata a that’ tia sawiin ruling party-te chu ‘traitors’ tiin a sawi bawk.
No-confidence motion debate ah Gandhi chuan Prime Minister Narendra Modi chu Manipur a tlawh duh loh avanga na taka bei bawkin Manipur chu India ram bungah a chhiar lo tiin a sawi bawk a.
“Ni rei lo te kaltaah khan Manipur ka tlawh a. Kan Prime Minister a la kal ve lo, tun thlengin a la kal lo. Manipur hi India ram bungah a chhiar lo. Manipur tih thumal ka hmang a, mahse, a tak takah chuan Manipur a awm tawh lo. Manipur chu hmun hnihah i then hrang tawh a, Manipur i tikeh chhe tawh,” tiin Gandhi chuan a sawi bawk.
Gandhi chuan Manipur tlawhin hmeichhia leh naupangte relief camp a awm te a tlawh thu sawiin mahse Prime Minister chu a la kal ve lo a ti bawk a. Rahul Gandhi thusawi lai hian House chhungah PM Modi a awm lo thung.
“Hmeichhe pakhat hnenah eng nge i chungah thleng tiin ka zawt a. Ka fapa, ka fa neih chhun chu ka mithmuh lai ngeiin kahhlumin a awm a ni. Zankhuain ka fapa ruang bulah ka awm a, ka hlau hle a ni. Kan chenna in ka chhuahsan tiin min hrilh a. Thil dang ken a neih leh neih loh ka zawhna chu a thawmhnaw hak lai leh thlalak bak a ken loh thu min hrilh a ni,” tiin Gandhi chuana sawi bawk.
Camp dang ka tlawhnaah pawh zawhna ngai tho hmeichhia a zawh thu sawiin “I chungah eng nge thleng?” ka tih chuan a khur zui nghal a ni tiin a sawi a.
“Hengte hi example pahnih an ni a. Manipur-ah chuan BJP ten Hindustan an that a ni. An politics in Manipur a tihlum lo, mahse, Manipur-a Hindustan a tihlum thung. Manipur-ah Hindustan tihhlumin a awm a. Manipur mipuite in tihhlum hian Bharat Mata in tihlum a ni, patriots (ram hmangaihtu) in ni lo va, traitor (ram phatsantu) in ni,” tiin Congress chief hlui chuan a sawi bawk.
Gandhi thusawi hi treasury bench te chuan an duh lo hle a, lungawilohna an lantir bawk a. Union Minister Kiren Rijiju chuan Congress leader chuan a thusawiah ngaihdam a dil tur a ni a, northeast-a helna leh buaina te hi Congress te vanga thleng a ni tiin a sawi ve thung a.
Rahul Gandhi chuan minute 30 chuang thusawina a neihah Army te chuan Manipur-ah remna leh muanna an thlen thei tia sawiin mahse sorkar chuan sipaite a dahin a hmang duh lo tiin a sawi bawk.
“In India voice in tihlum tawh a, chumi awmzia chu Manipur-ah Bharat Mata in tihlum a ni. Ka nu hetah hian a thu ve a. Nu dang, Bharat mata chu Manipur-ah in tihlum a ni,” tiin House chhunga thu ve Sonia Gandhi chu a sawi a.
“Hmun tinah khawnvartui in thehdarh a, Manipur chu in hal a ni. Tunah chutiang bawk chuan Haryana-ah chet lak in tum leh bawk,” tiin Gurugram leh Nuh a communal clash chungchang a sawi bawk a.
Rahul Gandhi chuan Prime Minister-in mi pahnih chauh, Amit Shah leh Gautam Adani te chauh a ngaithla tia sawiin Ravan an mi pahnih chauh a ngaihpawimawh ang a ni tiin a sawi a, a sawifiah zui lo thung.
Congress president hlui chuan ‘Bharat Jodo Yatra’ chu a la tawp loh thu sawiin ram pum fan chhuak a kalpuina chhan chu sawifiahna a nei bawk a.
Congress leader chuan Lok Sabha Speaker Om Birla chu House member a nihna a pek let leh avanga lawmthu hrilh bawkin. “Ka biak hnuhnun ber che khan na ka siam che a ni. Nasa takin Adaniji kha ka thlurbing a, i senior leader ten an la na hle a ni. Chu mi na chuan nang pawh a khawih tel che a, ngaihdam ka dil a ni,” tiin Gandhi chuan Birla hnenah a sawi bawk a.
“Thudik chauh ka sawi a. Ka BJP thian te hian hlauh in neih a ngai lo, vawiina ka thusawi hi keimahni lam a ni lo, kan bei vak lovang che u,” a ti bawk a.
“Kan ram hmun hrang hrang ka fang a, tuipui kam atangin Kashmir a vurin a bawh tlang te ka fang a. Yatra a la tawp lo va. Mi tam takin Rahul, eng vangin nge kea i kal, eng nge i tum?” tiin min zawt a ni.
“Eng vanga ke a kal thlang nge ka nih ka hre lo, mahse, rei lo te hnuah ka hamngaih leh Modi jail a tang pawh ka huamna chhan ti ka ni tih ka inhria a, kum 10 chhung hmuhsit ka nihna ka ken te chu hriatthiam ka duh a ni,” tiin a sawi bawk.
No-confidence motion chu Congress te chuan Opposition group INDIA aiawha kalpuiin August 8 ah sawihona Congress MP Gaurav Gogoi an nei tanin August 10 a Prime Minister-in chhanna a siam hnuah khar a ni ang.