Rahul Gandhi-an BJP te bei na hle

Congress leader Rahul Gandhi chuan rorel lai BJP te chu ‘bengchheng tam tak siam’ mahse Constitution thjlak turin huaisenna an nei tak tak lo tia sawiin thudik leh ram mipui te chu INDIA alliance lamah an \ang a ti bawk.
Tun hnai lawkah BJP MP Anantkumar Hegde chuan an party chuan Houses of Parliament a Constitution thlak danglam turin two-third majority neih a ngai a, tichuan Congress tena \ul lova an belh te chu nuaibo in a awm thei dawn a ni a ti a.
Hegde thusawi hian titi siam nghal laihin BJP te chuan insawifiahna siam nghalin ‘a mimal ngaihdan’ a ni an ti a, insawifiah tura an tihthu an sawi nghal bawk.
Rahul Gandhi chuan Mani Bhavan, Mahatma Gandhi a Mumbai In a\angin August Kranti Maidan, kum 1942 a British rorelna ata zalenna ngiat nana Quit India movement kalpuina hmasa berah ‘Nyay Sankalp Padayatra’ a nei a ni.
Rahul Gandhi chuan, “BJP ten bengchehng an siam nasa a, mahse, Constitution thlak danglam turin huaisenna tak tak an nei lo. Thudik leh mipui te chu kan lam\ang an ni” tiin Wayanad Lok Sabha member chuan sawiin tuna indona kalpui mek chu BJP leh Congress mai a ni lo ngaihdan pahnih a ni a ti a.
“Pakhat chu ram chu central a\anga enkawl, mi pakhatin thuneihna pumhlum a nei ang an ti a. Chumi let thawk chuan kei ni chuan thuneihna insemzai tur a ni a, mipui te aw ngaihtlak tur kan ti thung” tiin Rahul Gandhi chuan a sawi.
Mi in IT degree a neih avang ringawtin loneitute aiin a thiam zawk nghal ngawt lo, a ti bawk a.
BJP te kaldan chu a danglam a ti a. “Prime Minister Modi leh RSS te chuan hmathlir an neihah chuan mipakhat chuan hriatna nei vekin, loneitu, labourersw leh \halai hna nei lo te chuan engmah hriatna nei lovah an ngai a ni” tiin a sawi bawk.
Rahul Gandhi chuan a hma niin khawevla slum lian ber pakhat Dharavi tlawhna a nei bawk a. Dharadi a cheng te pawimawhna sawiin ‘ram hi brokers te ni lovin Dharavi a cheng tena an siam a ni’ a ti a.
Dharavi hi India manufacturing capital a siam tur a ni tia sawiin, “He ram talent capital a ni a, in skills te thlawp angai a ni. Bank ten loan an pe tur che u a ni a. Mahse, dalal (Adani) an inram a chhuhsak che u a, PM Modi an a thlawp tlat bawk si a ni. He ram hi in ta a ni a, in ta a ni zui zel ang” tiin a sawi.
Dharavi hi Make in India lanna ber a ni a, mahse tun sorkar hian a rawk char char a ni a ti bawk a. “Indona kal mek hi talent leh dalal, Dhraravi leh Adani te indona a ni” tiin a sawi bawk a. He slum hi chhungkua 58,000 vel chenna niin redeveloped turin Adani Group te chuan November 2022 khan contract an hmu a ni.
Gandhi chuan Prime Minister Modi kaihhruai Central sorkar chu beihchhunzawm zelin electoral bonds scheme te chu diklo taka mi sum chhuhsak nana an hman a ti bawk a, sorkar hrang hrang tinghing leh political party te tihkehchhiat tum a ti bawk. Gandhi chuan Covid-19 laia Serum Institute of India tena electoral bond hmanga PM Modi hnena donation an pek chu a sawisel bawk a ni.
Rahul Gandhi ‘Bharat Jodo Nyay Yatra’ chu karkalta Inrinni khan a tawp ta a, Jamuary 14 khan Manipur a bul \an niin ni 63 zet hnuah Mumbai-ah khar a ni ta a ni.