Rajasthan-ah ruah sur nasa

Rajasthan-ah darkar 24 chunga ruah sur nasa tak kaihhnawiha chhiatana thlengah mi 20-in nunna chanin State education department chuan district pasarihah school chawlh Thawh\anni khan a puang bawk a. Thawh\anni zing a\anga Jaipur-a ruah sur nasa chuan tuihawk nasa tak siamin chu chuan nunphung a tikhaihlak nasa hle.
Kawngpuite chu tuihawkin a khar a, ruahsur nasa lutuk avang hian school te khar a ni bawk a.
Met department te chuan Jaipur, Dausa, Sawai Madhopur, Tonk leh Karauli-ah te ‘orange alert’ tichhuakin Kota, Bundi, Bharatpur, Alwar, Nagaur, Dholpur, Sikar leh Ajmer ah te chuan ‘Yellow Alert’ an tichhuak thung.
Met officials te chuan khawpui leh \ek tlak laiin thingkung hnuaia awm lo turin mipuite an hriattir bawk a. Lui hnaiha awm lo tur leh lui, tuiluankawr leh tuitling hnaihah vehicle khalh fimkhur turin an ti bawk a. Rajasthan hmun hrang hrangah ruahsur a tam hle.
Ramgarh Pachwara, Dauda ah chuan ruahtui 258 mm a tla a, Jaipur tehsil-ah 126mm leh Sapotra, Karauli-ah 207 mm a tla thung. Sawai Madhopur-ah ruahtui tam lutuk avangin Dam embarkment tihchhiatin a awm bawk.