Rajnath Singh-a’n lim leh museum hawng

Rajnath Singh-a’n lim leh museum hawng
Union Defence Minister Rajnath Singh chuan nimin khan Tawang, Arunachal Pradesh-ah Sardar Vallabhbhai Patel lim ‘Desh ka Vallabh’ leh Major Ralengno ‘Bob’ Khating ‘Museum of Valour’ chu biakhmuhtheih hmangin a hawng.
Defence minister hian Assam khawpui pakhat Tezpur a sipai hmunpui pakhat atangin hawnna hun hi a hmang a, Tawang kal tur hi nimahse khaw awmdan chiang lo avangin a kalchilh thei ta lo a ni.
Rajnath Singh chuan Sardar Patel, Iron Man of India tia hriat bawk chu zahna ropui tak a hlan thu sawiin, zalenna hmuh hnua inpumkhatna tura a thawhhlawkzia chu ropui tak a nih thu sawiin, a lim hawn tak chu ram mipuite inpumkhatna tur leh chak zelna tur chhinchhiahna ni zel tura a duh thu a sawi.
A hmunah hian Rajnath Singh hian kalchilh thei ta lo mahse, hun hmannaah erawh sorkar mi pawimawh tak takin an telpui thung a. An zingah hian Arunachal Pradesh larsap Lt. Gen. KT Parnaik (Retd), Arunachal Pradesh CM Pema Khandu bakah union minister of parliamentary affairs Kiren Rijiju te an tel thei a, AP dy. chief minister Chowna Mein leh Major Bob Khathing chhungte bakah Manipur chief minister N Biren Singh te an tel bawk.