Raltlan lut thar mi 4000 chuang

Kar hmasa lamah Myanmar aangin mi engemaw zat Mizoramah an raltlan a, chawlhkar tharah pawh Chawlhni khan lut thar an la awm. Thawhanni chhun lamah pawh lut thar an la awm. Raltlan lut thar hi chhinchhiah theih chinah mi 4000 chuang an ni.
Police te hnen aanga thu dawn danin, Thawhanni lamah Myanmar lam hi an ralmuang ta deuh a, mahse raltlan lut thar an la awm a, tam tham chu an ni lo.
Champhai district police te’n an chhinchhiah chinah raltlan lut thar hi mi 4373 an ni a, hetah hian naupang an tel lo. Kum 18 tling tawh chin an chhinchhiah a, chhinchhiah loh mi engemaw zat an awm turah ngaih a ni bawk tih thu dawn a ni.
Inrinni lamah Chindland Defence Force (CDF), Hualngoram leh Chin National Defence Force (CNDF) te nasa takin an inkap a, CNDF hian Champhai District dep Myanmar-a Khawmawi vel an awp rih. Mahse Chawlhni lamah hian inkap an awm leh a, hei vang hian Chawlhni-ah leh a tukah raltlan an awm leh.
Zokhawthar aanga thu dawn danin, Khawmawi chhak Rihkhawdar leilet rama CNDF camp pawimawh, Rihli an tih inchuhin Chawlhni khan Chin National Army (CNA) leh CNDF te an inkap a, hei vang hian Rih khaw mipui engemaw zat chu an tlanchhia a ni.
Thawhanni-a Zokhawthar-a raltlan tharte hi Khawmawi leh Rihkhawdar mite an ni a, khaw pathumte hi inhnaih te tea awm, inhmelhriat kual, inchhung khat hnai pawh an ni fur.
Police te’n an chhinchhiah danin, Zokhawthar-a raltlan lut thar hi mi 3641 vel an ni a, hmun danga lut an awm bawk. Hriat theih chinah Saikhumphai-ah mi 720 an lut a, Farkawn-ah mi 12 an lut.
Saikhumphai-a lut tharte hi Chawlhni zan leh a tuk lama lut an ni a, Chawlhni lamah Rihli inchuha inkap an awm avanga tlanchhia a