Raltlan sing 4 chuang awm

Tun dinhmunah Myanmar leh Bangladesh atanga raltlan lo lut bakah Manipur-a chi leh chi intihbuai avanga sahimna zawnga Mizorama lut mi 42576 an awm mek.
Assembly Session-a ziaka chhan chi zawhna chhannaah Home minister K Sapdanga chuan, Manipur-a chi leh chi inkara buaina avanga in leh lo chan leh awm ngam loa tlanchhiaa Mizorama awm mek hi February 9 thleng khan mi 9248 an ni. Myanmara sipai sawrkarna avanga 2021 February 1 atanga tualchhung buainaa raltlan lo lut chu 2024 February 3 thleng khan mi 32161 an ni. 2022 November chawhnu lama Bangladesh sipai leh Kuki-Chin National Army inkah avanga Bangladesh Chittagong Hill Tracts atanga sahimna zawnga Mizorama raltlan lo lut chu kumin January 25 thleng khan mi 1167 an ni.
Myanmar leh Manipur atanga rawn lut hi Mizoram district hrang hrangah awmin, Bangladesh atanga lo lut erawh Lawngtlai district-ah an awm vek a ni.