Raltlan tan Mizo tawng zirna

Central YMA leh college-a Mizo zirtirtu inzawmkhawm pawl, Mizo Literature and Language Teachers’ Academy (MILLTA) chuan Manipur atanga Zohnahthlak raltlante tan ‘Mizo tawng Inzirtirna’ an siam a, Zirtawpni khan bul an tan.
MILLTA aiawhin Prof C Vanlalhruaia’n thu a sawi a. Central YMA president Lalhmachhuana chuan Mizo tawng inzirtirna hi hawngin, Mizorama zirtirtu thiam rualin Mizo tawng an zirtir tur chu an vannei tih a sawi a. Mizo tawng chu inbiakpawhna atan mai ni lo, hnam inpumkhatna atan a pawimawh tih a sawi. Raltlante pawh chhuanlam ho te te siam loa, uluk taka Mizo tawng zir turin a chah a ni.
Falkland Venga Manipur atanga raltlan hi chhungkaw 59 niin, mi 250 vel an ni. Manipur district hrang hrang atanga lokal niin, Mizo tawng thiam an duh thu Central YMA hnenah an thlen a. CYMA hnuaia Literature Sub Committee chuan bawhzuiin, MILTA nen thawhhona thuthlung siamin, he programme hi an kalpui ta a ni.