Raltlante zinga inkhawihnawmnahna thleng hmuh hrehawm ti

Raltlante zinga inkhawihnawmnahna thleng hmuh hrehawm ti
Duchess of Edinburgh chuan Africa a raltlante awmkhawmna hmun tlawhin, Sudan tualchhung indona avanga ralte awmna a tlawh a, mipat hmeichhiatna lam hawia inkhawihnawmnahna thleng nasa lutuk chu hmuh hrehawm a tih thu a sawi.
Sophie chuan Africa a an awmkhawmna hmun a tlawh hnuah, ‘Ei leh in tur an nei lo lutuk chu hmuh hrehawm a tih thu sawiin, chu aia la hrehawm zawk chu inpawngsualna leh mipat-hmeichhiatna hmanga inkhawih nawmnahna thleng nasa lutuk kha a ni,’ a ti a. ‘Hei hi tireh tura thapui thawh a ngai tak zet, puih theihna kawng apianga puih an tul,’ a ti.
Sophie hi Buckingam Palace chhungkaw zinga Chad ram tlawh hmasa ber a ni bawk a, ni thum a cham chhung hian thil hmuh hrehawm tak tak a hmuh thu sawiin, tualchhung buaina chu reh theih dan a awm ngei a rin thu leh, theihtawp chhuaha beihpuithlakpui an ngaih thu sawiin, zalena an awm a duh thu a sawi uar hle.
An ruahman dan chuan Sophie hian South Sudan, Democratic Republic of Congi, Iraq leh Sierre Leone ramte a la tlawh dawn a, offical lam chuan venhimna lam thua fimkhur nan engmah sawichian an nei lo thung.