Ram chhunga thlawhnaa thlawk an pung

India ram chhunga thlawk airline-te chuan kum 2024 chhung khan passenger maktaduai 16.13 an phur a, kum 2023-a passenger maktaduai 15.20 an nei niin civil aviation regulator Directorate General of Civil Aviation (DGCA) chuan a sawi.
DGCA hian thla tin passenger hi 8.19% zelin an pung niin a tar lang.
DGCA-in a chhut dan chuan IndiGo chu Delhi, Mumbai, Bengaluru, leh Hyderabad-a passenger ngah ber niin 73.4% zetin an pung a, Air India (67.6%) leh Akasa Air (62.7%) ten an dawt.
Sumdawng thlawhna lian, chuan man tlawm si zingah SpiceJet chu an thlawhna thlawk tur thulhtir tam ber niin 1.81% an thulhtir a, IndiGo (1.17%)-in a dawt.
Ram chhunga thlawhna thlawh thulhtir hi December, 2024 khan 1.07% a tling a. Fly Big chu thulhtir tam ber niin 19.23% zet an thulhtir a, Alliance Air (4.35%) leh IndiaOne Air (2.83%) ten an dawt a ni.
Thlawhna thlawk tura ruahman thulhtir leh zinga 44.4% chu chhan hrang hrang avanga thulhtir an ni a. khaw awm dan avanga thulhtir 27.2% an awm a, khawl thil avangin 20.8%, operational 6.4% leh sumdawnna thil avanga thulhtir 1.3% an ni.
December thla bikah khan tual chhung airline-te hian complaint 817 an dawng a, passenger 10,000 zelah 0.55 atangin complaint dawng an zel an ni a. Fly Big, SpiceJet leh Alliance Air chu dawng hnem ber niin an dawn zingah bungrua avangin 25.8%, refund 21.3% leh customer services vangin 7.7% an dawng a ni.