Kolasib district khuaah Bairabi North chu ram kang veng tha ber khuaah thlan a ni.
District Level Green Mizoram Committee Kolasib bultumin “Thing phun ila, I enkawl zui ang u” tih thupuia hmangin Green Mizoram Day 2023 pual ahun hman a ni.
Kum 2022- 2023 chhunga ram kang ven kawng a hma la tha thlanchhuah khaw pathum hnenah lawmman sem a ni a. Bairabi North chu pakhatna niin, chawimawina thuziak leh sumfai Rs. 50000 an dawng a, Saipum pahnihna niin Rs. 30000 an dawng. Hortoki chu pathumna niin Rs. 20000 an dawng a ni. Mizoram district hrang hrang, ram kang ven kawnga hma la tha lawmman pathumna chu Kolasib district hian a dawng bawk.
Kolasib DFO Margaret Lalramchhani sawi danin, nikuma Green Mizoram Day khan thing tiak 2857 phun tura sem a ni a. Sawrkar department hrang hrang hmun, school leh institution-ahte, mimal leh pawl ahte sem a ni a. DC Circuit House Complex, Banglakawn, Builum leh Tuilutah te thing phun a nih thu a sawi. Green Mizoram Day 2023 pual hian Excise & Narcotics Department Complex, Khuangpuilamah hian thing 7 phun a ni a, BDO, Thingdawl Compound-ah Department hrang hrangin thing 162 an phun bak ah pawl, mimal a duh apiang tan thing tiak sing khat ruahman a nih thu a sawi.
Ram kang veng tha Bairabi North
Get real time updates directly on you device, subscribe now.
Next Post