Ram pawna Mizo buai tam ber passport lem neih vang

Ram pawna Mizo buai tam
ber passport lem neih vang
Chief Minister’s Office-a din Mizo Diaspora Cell (MDC) chu an chairman, commissioner & secretary to chief minister Vanlaldina Fanai kaihhruaiin an thukhawm.
MDC hnena thlen tawhte thlirlet a ni a. Ram pawna case langsar zual chu – Dubai, Maldives, Nepal, China, Malaysia-ah te an ni a. Tam tak chu passport lem hmanga Myanmar kaltlanga ram danga dan loa hna thawka kalte an ni.
Hei vang hian MDC chuan Mizoram atanga hnathawk tur emaw sumdawng turte chuan India dan leh an tlawh tur ram dan tha taka zawm turin a ngen thar a. Tanpui ngaiten awlsam taka thu an thlenna tur, an thu thlente rang zawka dawnsawn theihna tur, best practices leh ram danga thawk turte tih tur/tih loh tur (do’s and don’ts) leh thil tangkai dang inhrilhriatna atan social media platforms hman uar an rel.
Mizo DiasporaHub-ah hmun hrang hranga Mizo Welfare/ Association 40 an inziaklut tawh a, an zinga 2 chu India ram pawn ami an ni. Heng association-te nen hian online meeting neih rawt a ni a, tam zawk an inziah luh theihnan hmalak dan tur sawiho a ni bawk.