Ram pum huapah quiz intihsiakah Mizoram aiawh tel PES thiam ber

National Red Ribbon Quiz Competition-a Mizoram aiawha kal Presbyterian English School Republic Veng chu pakhatna an ni.
Sawrkar laipui Ministry of Health & Family Welfare hnuaia division pakhat – National AIDS Control Organization buatsaih ram pum huap high school zirlaiten HIV chungchang zirtirna an dawn theihna atana buatsaih, Red Ribbon Quiz Competition hi state level-a neih a nih hnu ah state 8 – West Bengal, Sikkim, Manipur, Mizoram, Arunachal, Nagaland, Meghalaya leh Assam telna regional level-ah PES Republic Veng hi pakhatna an ni.
North East Region, West & South Region, Central Region leh Northern Region atanga pakhatna theuhte intihsiakin, North East Region-a pakhatna Presbyterian English School Republic Veng zirlai – Zonunsangi (Class VIII) d/o H. Zahmingthanga, Republic Vengthlang leh Janet Malsawmpuii Ralte (Class IX) d/o Lalrintluanga Ralte, College Veng te hian mark 90 hmuin an champion a ni.
Mizoram aiawha kalte hi an zirtirtu Zonunpuii Khawlhring leh MSACS nodal officer Joseph Lalnunmawia ten an kalpui a ni.