Thawhleh zan khan UEFA Nations League 2024-25 Group match khelh zawh a ni a. Viktor Gyokeres goal li thun hmangin Sweden in an mikhual Azerbaijan an sawp a, League B-ah an inhlangkai.
League 1, Group 1-a hmahruaitu Sweden hian Strawberry Arena-a an mikhual Azerbaijan lakah an khel tha viau a, goal ruk ngawt an thun. An mikhual lakah hian Dejan Kulusevski chuan minute 10-na lekah Tottenham forward hian goal an thun zui leh bawk.
Lukusevski goal thun hnu hian forward ngaihven hlawh tak Viktor Gyokers a inlar chhunzawm a. Sporting Lisbon forward, EPL club liante pawhin an ngaihven mek Gyokeres hian chawlhlawk hmaa goal hnih a thun hnuin, chawlhlawk hnu lamah goal hnih a thun zui leh bawk a, Sweden tan hattrick a siam. Gyokeres hian 2024 chhungin club leh ram tan goal 32 zet a thun tling der tawh.
Thawhleh zana inkhel dangah team lian pahnih; Germany leh Netherlands ten hnehna an chang zo lo.
Kar liam ta maiah Nations League match khata goal thun hnem ber record siamtu Germany hian Group champion ni chiang tawh chungin Hungary an hmachhawn a, 1-1 in an inhnehtawk. Germany tan hian Felix Nmecha chuan minute 76-naah hmahruaiana goal a thun a. He goal hi an chak pui teuh hle a, hun pek belh minute 90+9-ah Dominik Szoboszlai chuan penalty atangin an si phurh a sut a, Hungary tlawm tur a chhanhim. Germany an chak zawh loh rual hian Netherlands pawh Bosnia and Herzegovina nen 1-1 in an lo inhnehtawk ve bawk.
Ram tan Gyokeres a vul
Get real time updates directly on you device, subscribe now.
Next Post