Ram Temple sak nan mipuiin Rs. Vbc 3,000 chuang thawh

Ram Temple sak nan mipuiin Rs. Vbc 3,000 chuang thawh
Ram Temple sak nana mipuiin sum an thawh khawm zawng zawng chu Rs vaibelchhe 3,000 chuang niin Ram Mandir Construction Committee Chairman Nripendra Mishra chuan a sawi.
Hindu temple sak nana sum ruahman hi Rs vaibelchhe 1,800 chauh a ni thung.
“Sakhaw miten Rs vaibelchhe 3,000 chuang Ayodhya-a Ram Temple sak nan hian an rawn thawh a. A sak nana ruahman hi Rs vaibelchhe 1,800 vel a ni a, tunah hian Rs vaibelchhe 1,500 chuang hret hman tawh a ni,” tiin Mishra chuan a sawi.
Ram chhung hmun hrang hranga miten kum 2022-a sum thawh theihna an hawn rualin an pawisa bawm hawngin an thawh ruih ruih tih a sawi.
Sum thawh thu zawng zawngte hi November 25-a flag hoisting ceremony hman tura tel turin Mishra hian a sawm nghal a. Prime Minister Narendra Modi-a’n he hun hi khual lian niin a hmanpui dawn a, temple chhip mumah flag hi zar a ni dawn a ni.
Modi-a hian he mi ni hian acre 70-a zau temple complex huam chhunga awm dang – Sheshavatar Temple, Kuber Tila leh Sapt Mandapam pawh a tlawh nghal ang.
Nilaini khan flag hoisting hi tihchhin a ni tawh nghe nghe.
January 22, 2024 khan Ram Temple-ah hian Lord Ram-a lum chu dah luha hlan thianghlim a lo ni tawh a, hei hi Modi-a pawhin a hmanpui.
Mishra chuan flag zar hunah hian temple pui ber chhungah mi 5,000 atanga 8,000 vel an tel theihna tur an ruahman tih a sawi a. Chhim lam chhuahna thlenga ‘darshan’ neih turin minute 20 vel hun hmangin a tawp thleng, Sugriv Kila thleng turin minute 40 vel hun hman a nih tur thu a sawi.
Mishra hian flag tar hun hmana tel tur hian mi 8,000 chuang sawm an ni tih a sawi bawk.