Ramri a inremna siam a pawimawh

India prime minister Narendra Modi chuan kum nga hnua a tumkhat nan China president Xi Jinping nen BRICS summit neih mekah inkawmin, ramri chungchangah remna leh muanna a awm theih nan thawhdun a pawimawh thu an sawi.
Kum 2020 khan ram pahnih sipaite nasa takin an lo inkap tawh a, hemi hnu phei hi chuan an inkar boruak chhe zualin, tun tumah hian hruaitu lawk pahnihte hian siamthat ngei an tum a ni.
Ram pahnihte tan inbiakna muanawm leh thawhhona tha leh tam zawk neih a pawimawh a, kan inrem lohna leh inhmuhthiam lohnate dahtha a, hmasawn zawnga ke kan pen a pawimawh, tiin Modi chuan Xi hi a hrilh.
An inkawm zawh hian India Foreign Secretary Vikram Misri chuan thutharthehdarhtute hmaah ram pahnih hruaitute chuan ramri chungchangah inpawhtawn taka inkawmna an neih thu sawiin, ramri hmuna remna leh muanna a awm theih nan zirchian a, an sipaite chinfelpui an intiam tawn thu a sawi.