Ramri ah lungawiloh lantir tum

India leh Burma ramri hrula inkalpawh tawn theihna – Free Movement Regime (FMR) hlih leh ramri hung tum chu Mizoram bakah Nagaland leh Manipur atangin dodalna a awm a. Phei khai rual taka hma lak ho an tum.
ZORO Gen. Hqrs thuchhuak chuan, FMR leh ramri sawihoin February 16 khan Nagaland-ah ‘North East India Symposium on India-Myanmar Border Issue’ neih a ni a, sawm an nih angin ZORO aiawh an tel a ni.
Symposium-ah hian FMR hlih tum duh lohna leh ramri hung duh lohna lantir chungchangah hmarchhak mipui, a bikin Nagaland, Manipur leh Mizoram chu pheikhai rual taka kal ho nise an ti a. Ramri hrul khaw remchangah lungawi lohna lantir a, NE state hrang hrangin a ruala lungawi loh lantir nise an ti. Hemi ang hian ZORO pawhin India leh Burma ramr iah hun remchangah lungawilohna lantir an huaihawt dawn tih sawi a ni.
ZORO chuan India sawrkarin Free Movement Regime a hlip leh Burma leh India inrina hung a tum chu tha a ti lo a, dodalna pawh a lo lantir tawh tih sawiin, Prime minister hnenah memorandum thehlutin, duh loh lantir nan India Home minister Amit Shah lim an hal a. India sawrkar thil tum a hlawhtlin loh nan hma an la zel dawn tih a sawi.