Ramriah inchi khat pawh tawlh a rem lo : PM Modi

Ramriah inchi khat pawh tawlh a rem lo : PM Modi
Ningani khan prime minister Narendra Modi chuan Gujarat Kutch biala sipai awmte nen Diwali hmang hoin, ramriah India chuan inchi khat pawha tawlh a tum loh thu a sawi.
Modi chuan tunhnaiah Bharat (India) nek an awm leh \hin nia sawiin, ramri chu inches khat pawha tawlh a rem loh thu sawiin, sipaite duh dan leh ruahmannate chu sorkar policy nen inmil tak an nih avangin huaisen taka ding nghet tlat zel turin a chah.
Sipaite hnenah anmahni avanga ram chu him a nih thu sawiin, kan hmelmate thusawi ai chuan a hmuna awm sipaite chu an thusawi a rinawm leh pawmtlak a nih zawk thu a hrilh bawk.
Modi chuan sipaite hnenah, ‘Khawvelin an hmuh che u chuan India chakna a hmu a ni a, hmelmaten an hmuh che u chuan hlau a khur chungin, an ruahmanna dik lo tak takte tawpna an hmu thin,’ tiin fuihphurna thuchah a sawi.