Ramsa lakah nilo inthemthiamna atana silai hman tangkaina siam

Ramsa lakah nilo inthemthiamna
atana silai hman tangkaina siam
Environment, Forest & Climate Change Department Kawrthah leh Village Council Kawrtethawveng tangdun chuan ramsa ni loin, inthemthiamna atana silai hman tangkai inzirtirna atan Thawhlehni khan Air Rifle kah intihsiak an buatsaih.
Hachhek constituency huamchhung amite tana tih niin, competition thukenah “Shoot with a Camera, Not a Gun” tih leh “Aim for peace, not the beasts” tih hman a ni a. He hun buatsaih chhan hi silai neituten an silaite nungcha tihhlumna atana hmang loa, intihhlimna leh inelna lian zawk hmachhawn thei tura an inbuatsaihna atana tih a ni.
Kawrtethawveng-a neih silai kah intihsiak hi category hnih – Air Rifle scope tel leh scope tel loa then a ni. Category-I Air Rifle (scope tel) ah hian mi 32 an inlan a. Category-II ah hian mi 33 an tel. Category hnihah hian lawmman pakhatna atanga pathumna thleng leh consolation prize mi 5 tan siam a ni.
Kawrthah DFO Karthikeyan V chuan silai neitute chu nungcha kahna atan hmang loa, ram /khua tihmingtha zawnga an thiamna hmang turin a fuih a. Kawrtethawveng VC nen Dillui humhalh kawngah nasa zawka thawhho an tum tih a sawi. Dan bawhchhia an awm a nih chuan dan hmanga hrem an nih tur thu a sawi bawk.