Ranieri thlaka Roma boss thar ni ta Gasperini
Atalanta kuta 2024 Europa League trophy nghattu Gian Piero Gasperini kha AS Roma chuan an manager thar ni turin kum thum daih contract an ziahpui a, Claudio Ranieri hmunruak a luah fel.
Gasperini hian kumin Italian top flight Serie A lamah Atalanta chu pathumna nihpui chungin season tharah a chhuahsan tak club chuan Champions League an khel pha dawn a; chutih laiin Leicester City leh Chelsea boss hlui Ranieri hnuaiah Rome khaw team chu Serie A table-ah pangana an ni pha chauh a, season tharah Europe club inelna sang ber khel pha loin a dawttu Europa League hmun an chang pha ta chauh a, head coach a nihna atangin a inhnuhdawh phah ta a ni.
Ranieri hian coaching hna ahan chawlhsan ren rawn a, nikum November thla khan Roma boss ni tura kirlehin, an petchhuah tak Ivan Juric a thlak a; tunah kuim 73 mi ni ve tawhin, head coach hna chhuksan mah se Roma lamah hian a rorel khawl lam vuanin executive hna chelh zui ta tho a ni.
Kum 67 mi Gasperini hian kum kaw chhung zet Atalanta a enkawlah khan 2023-24 Europa League final-ah a team chu Bayer Leverkusen lakah a chakpui a, club lian zawk Roma-in an enchhin ve dawn ta a ni.
Ranieri thlaka Roma boss thar ni ta Gasperini
Get real time updates directly on you device, subscribe now.
Prev Post
Next Post