Ranvulhah ar tam ber, in bula vulh tam ber
Mizorama ran awm zat chhiarnaah a tam ber chu ar a ni a, a tam ber chu a lian thama hmun danga vulh ni lovin mahni in bul hnaia vulh a ni.
20th Livestock Census-a a lan danin, Mizoramah ar hi 1858277 a awm a, a tam ber chu in bul hnaia vulh a ni. In bul hnai ‘backyard’-a vulh hi 1841990 a ni a, sumdawn nana vulh (commercial) 16287 a awm.
Ar dawtah hian vawk a tam a, Mizoramah vawk hi 283021 a awm. Tun hnaiah African Swine Fever (ASF) a leng a, hei hian vawk a sing tel a suat a ni.
Ar leh vawk tih lohvah chuan bawng a tam ber a, 45701 a awm. Kel hi a tam lo na a, a tlem pawl chu a ni lo; 9441 a awm a, ar, vawk leh bawng dawttu a ni.
Tun hnaiah sial a pung leh deuh nia ngaih a ni a, Mizoramah 3957 a awm. Lawi a tam lo a, 2109 a awm.
Economic Survey of Mizoram (2022-2023) bua a lan danin, ASF vangin 2021-ah khan Mizoramah vawk 33,417 a thi a, 12,268 tihhlum (cull) a ni bawk. 2022-ah engemaw zat a thi leh a, chhungkaw 22966 a nghawng. Kum hmasa 2021-ah khan chhungkaw 12161 a nghawng bawk.
-- Advertisement --
Ran awm zat
Lawi 2109
Vawk 283021
Ar 1858277
Bawng 45701
Sial 3957
Kel 9441