Ration buhfai semnaa buaina chinfel tum mek

Tun thla – January-ah hmun thenkhatah ration buhfai lak theih lohna a awm a. Hei hi khawl lam buaina vang niin, chinfel tum mek leh buhfai pawh sem chhuah mek zel a ni tih sawi a ni.
Food Civil Supply & Consumer Affairs department thuchhuak chuan, National Informatic Centre (NIC) lamah technical problem a awm vangin hmun thenkhatah ration buhfai sem theih a ni lo a. He harsatna thlen chhan hi, tunhmain Ration Card Management System (RCMS) a district pathum – Saitual, Khawzawl leh Hnahthial dahhran loh an ni a, kumin January atang hian heng district pathum hi anmahni district-a an inrelbawl theihnan dahhran tan an ni. Hei vang hian buhfai semna atana hman ber, ration pekna portal-ah buaina awmin, e-Pos khawl (kutzungpui nemna) ah harsatna a awm phah tih a sawi.
Hemi chingfel tur hian a enkawltu NIC Hyderabad-a an hotute leh Mizoram FCS&CA department hotute an inbepawp reng a. Tunah hian a tam zawk siamfel tawh niin, buhfai pawh hmun tam takah semchhuah mek a ni tih a sawi. He harsatna hi chinfel thuai a nih dawn avangin mipui chiai lo turin an hriattir tih a sawi.