Ration Card inchuhna behbawm…
MNF |halai Hqrs chuan, Mizoram sawrkarin tunhnaia Phuldungsei khuaa Mizoram ration card nei nghet mi 85 a paihsakte zirchiang leh khawtlang hruaitute kawmin an kal tih sawi in, Phuldungsei khuaa mi 85 te hi Mizorama Adhaar card thlunzawm ration card nei vek an ni a. Kumin April leh May thla khan an ration card hi an hriat miah loha paihsak an ni, tiin an sawi a. Phuldungsei khuaa Mizoram ration card paihsak takte chungah Mizoram sawrkarin a tihsualah ngaihdam dil loa chhuanlam a siam zel a nih chuan chiangkuang zawka la puan belh an tum tih MNF |halai chuan an sawi bawk.
He thil thleng chungchangahhian ZPM party chuan, Phuldungsei khuaa mi thenkhat ration card paihsak nia sawiah ZPM chuan, India sawrkarin End to End Computerisation of Targeted Public Distribution System (TPDS) kalpuiin, he scheme-in management system hran a hman Ration Card Management System chu Adhaar card hmanga finfiah ngai a nih avangin adhaar pakhat chu ration card pakhatah chauh chhinchhiah theih a ni a, Phuldungseia mi thenkhat ration card chu Tripura lama lo register tawh a nih avangin RCMS khawl hmanga chhinchhiah theih an ni lo zawk niin an sawi a. Opposition party-te chu thudik tawk lo hmanga mipui rilru kawihher tumna bansan a, thil tha tih kawnga inelpui atan an sawm tih an sawi ve thung a ni.
Phuldungsei khua leh a kaihhnawih hi tunhma atanga buaipui hlawh tak a lo ni tawh thin a. Boruak eng emaw a han awm hian, political party-te inpuhmawhna thil hian a chhunzawm leh mai thin a. Helai bawr vela neuh neuh awm thin hi Tripura sawrkar nena chinfel ngaite pawh a awm thin niin a lang a, chu chu Mizoram sawrkar hian nakin hnu zel pawha ‘lehpek’ awm tawh lo tura chinfel dan a ngaihtuah hi a pawimawh ta hle niin a lang. Mizoram khua Phuldungsei mi thenkhat ‘Tripura lama ration card lo register’ tih sawi tur a han awm ta ringawt maite hi, helai ramria kan mi leh sate dinhmun hi tun aia nasa zawka ngaihsak leh venhim an ngai hle tih a lang a, hetia inpuh kual vel mai mai lo hian, hnam inpumkhatna duh nia insawi theuh theuh chuan, inpumkhat takin hma lakho dan zawng zawk se a duhawm hle a ni.