RD hotuten hnathawh thlirlet

Rural Development hotute chuan an minister Prof. Lalnilawma hoin sawrkar kum kal meka an hnathawh an thlirlet.
RD minister chuan ram hmasawnna tura department pawimawh ber an nih angin an bial, thingtlanga an mipui khawsakin hma a sawn em, danglamna a thlen em, tihah ngaihtuahna hman fo a pawimawh tih a sawi a. An department leh scheme ho chiang tur leh heng scheme hnuaia fund chu dik tak leh a nihna ang taka hmang thin turin a chah.
India ram huap rural population chu zaa 60 a nih laiin, Mizoramah chuan zaa 48 vel rural area-a awm an ni a, chuti chung chuan thingtlang leh khawpui inkar ala inthlau hle a, thingtlang hmasawnna atan an pawimawh lehzual tih sawi a ni.