Zanin dar 12:30 atangin UEFA Champions League (UCL) quarter-final thawh hnihna khelh chhunzawm a ni leh dawn a. Santiago Bernabeu-ah champion lai Real Madrid leh Arsenal an inchingfel dawn a. Stadio Giuseppe Meazza ah Inter Milan leh Bayern Munich te an inching fel ve dawn bawk.
Santiago Bernabeu-ah Arsenal lenglut turin ngaihven a hlawh hle. London club lian Arsenal hian Real Madrid hi 3-0 ngwtin an lo hneh tawh a, 3-0 a hmahruai chungin La Liga club lian Real Madrid an hmachhawn dawn. Real Madrid hi champions league-a tha leh zual thin an ni a, hneh an har em em reng. First leg-ah hnufual zawk an ni chungin second leg-ah inlehthalna lian an lo thlentir tawh thin a. Semi-final-ah Manchester City an lehthal dante kha mak, mawi leh ropui danglam bik a ni. Arsenal lakah si thum an phur chungin an la beidawng hauh lova, inlehthalna lian thlen nawn tir lehin, semi-final lut zawk nih an tum ngei dawn.
Quarter-final thawhkhatnaah 3-0 ngawta an chak vangin Arsenal hian champion turin rin an kai zual sawt a. Champion tura rinkai ber an ni mek. Mah se, an hmachhawn turte hi UCL a vawi 15 ngawt champion tawh Real Madrid an ni miau a, vawi khat lek pawh la champion lo Arsenal tan paltlang an awlai dawn hauh lo. Mah se, UCL-ah Real Madrid hian Arsenal hi an la hneh ngai lo ve teh tlat thung. EPL club dangte ngam viau thin mah se Arsenal erawh an ngam lo ve teh tlat. Real Madrid hi semi-final lut zo lova an tla nulh a nih pawhin a mak hran lo ang.
Zanin vek hian Inter Milan chuan 2-1 a hmahruai chungin Bayern Munich an mikhual ve daawn bawk.
Real Madrid leh Arsenal te an inchinfel zan
Get real time updates directly on you device, subscribe now.
Next Post