Red Bull-a Perez thlaktu Lawson

Red Bull-a Perez thlaktu Lawson
Kum thara Mexican driver Sergio Perez-a hawi lam a chiang ta a, Red Bull tana Formula One inelna hmachhawn tawh loin, a hmunruak hi New Zealander Liam Lawson chuan a luah nghal a, kum 2025 hian world champion Max Verstappen nen an inkawp dawn a ni.
Season a hman fuh vak loh avangin Perez-a hma hun a chiang thei lawk lo a, a tawpa tawpah Red Bull leh Mexican chuan an contract neih lai tihtawp an remti a, a tuk lawkah Red Bull lamin an team pahnihna Racing Bulls a\angin Dutchman Verstappen-a kawppui tur an lachhuak zui ta a ni.
Kum 22-a upa Lawson hian season liamta hnuhnung pahnihah khan Formula 1 grand prix vawi 11-ah front-line a luah ve chauh a, chutih chhunga a Japanese team-mate Yuki Tsunoda aiin Red Bull lamin an thlang ta tho a ni.
Red Bull team principal Christian Horner chuan Racing Bulls \um hnih zawm tawh Liam-a hnuhma hnutchhiah tawhte chu chhuanawm tak la ni lo mah se real racer an tih ang tak tak driver kha a nih thuin a fak.
Kum 2018 tawp ruala Australian Daniel Ricciardo chhuah hnuah Lawson hi Red Bull-a Verstappen- team-mate palina a ni.
Perez bakah Pierre Gasly leh Alex Albon-te pawh khan Red Bull-ah beisei an pha lo a, New Zealander dinhmun kan thlir zui leh daw a ni.
Horner chuan vawili champion tawh leh F1 driver ropuiberte zinga pakhat ni bawk Max kianga racing hmachhawn chu chona lian a nih thu tarlang chungin an driver thar Liam chu he chona hmachhawn tura ding tlaka an ngaih thu leh kum thara result duhawm a pekchhuah ngei an beisei tlat thu a sawi.
Lawson hian 2023 Dutch Grand Prix-ah khan Zandvoort tlankawngah a F1 debut nghakchhuakin, practice laia a chetsual avanga a kutruh titliak Ricciardo a thlak a; kha mi season intlansiak hnuhnung pali chhunzawm leh tura Ricciardo kir hma Singapore-ah a grand prix pathumna tlanin 10-naah a thleng a, point khat a hlawhchhuak nghe nghe.