Rel chesual a awm leh thin; kum 5 chhunga chesual 200 a chuang

Kar hmasa khan Jharkhand-a Bokaro hmunah bungraw phur rel a chesual a, India ramah chawhrualin rel chetsualna hi thla tin deuh thaw pakhat tal awm zel ang a ni.
India chanchinbu thenkhatin an report dan leh Indian railways lamin an sawi danin, rel chetsualna tam ber hi rel kawng fel tawk loh vang leh khawlum lutukin a kawng a tihkhawloh nasat vangte a ni tlangpui a sawi a ni a, thenkhat chu siam uluk tawk loh a awm bawk.
Kum 5 chhungin rel chetsualna lian tham hi 200 chuang a thleng a, heng hi lei zawh chim vangte leh signal pek fuh tawk loh vangte, a kawng chhiat vangte a ni tlangpui.
Indian Railways a Chief Engineer hlui pakhat chuan, mihring tih dik tawk loh hi tam tak chu a thleng ve tho a ti a, training la tha tawk loten an khalh hian a thleng duh hle tiin, inbiakpawhna fel tawk loh vanga thleng a awm tam thu a sawi ve bawk.
Hetih lai hian February thla khan railway minister Ashwini Vaishnaw chuan Rajya Sabha-ah rel chetsualna chu a tlem telh telh thu sawiin, kum 2004-2014 chhung khan 171 thlengin, 2014-2023 chhung khan 71 chauh a thlen tawh thu a sawi ve thung.