Rel hmanga sawhthing phurh dan tur sawipui

Agriculture & Farmers’ Welfare minister PC Vanlalruata chuan Zirtawpni khan Gauwahati-ah NEF Railways hotute kawmin kum 2026-a rel hmanga sawhthing thawn chhuah an duh thu a hrilh a. Tun dinhmunah sawhthing lo chu Mizoram atanga thlaithar thawn chhuah tham an neih loh thu hrilhin, sawhthing chu an ngaihpawimawh sak hle a ngai dawn tih a sawi.
Railways hotute chuan minister ngenna hi ngaipawimawhin, sawhthing thawn chhuah dan tur ruahmanna an lo sawipui a. Mizoram sawhthing phurh chhuahnan millennium parcel van buatsaih sak theih ngei an tum thu an sawi a ni.
Heng bakah hian Delhi, Kolkata, Gauwahati atanga bungrua phurh man tun aia awlsam leh man tlawm zawka mipuiin an chhawr tangkai theih dan tur an sawiho bawk.
Minister hian Guwahati Mizo Welfare hnenah thlanmual in sak tanpuina atan cheng nuai khat a pe a ni.