Rel kawng siam mek
chimah mi pathum boral
Thawhlehni tlai khan Gujarat-a Anand district huamchhungah Mumbai-Ahmedabad bullet rel tlanna tur kawng siam lai mek chu chimin, hnathawktu pathumin an thih phah.
He thil thlenna hmun hi Vasad khuaah a nih thu district superintendent of police Gaurav Jasani chuan sawiin, a hma pawhin kawng siam thenkhat chu a lo chim tawh bawk niin a sawi.
He bullet rel tlanna tur atan hian hmun thenkhatah concrete block hman a ni a, tuna chhiatna thlenna hmunah pawh hian concrete block hman niin, a chim hnu hian hnathawktu pali chu concrete block hian delhin, an tang a ni.
Police te sawi danin heng mi tangte zinga pahnih chu a hmunah hian thiin, chhanchhuah zinga pakhat zawk chu damdawi in thlenpui a nih hnuah a boral thung.
He bullet rel tlanna tur hi km 508 a thui niin, rel a Ahmedabad leh Mumbai inkar zin hun chhung chu darkar thum velin a tihtawi bei a ni bawk.
Rel kawng siam mek chimah mi pathum boral
Get real time updates directly on you device, subscribe now.
Next Post