Rel lut turah ILP checkpoint siam belh leh khauh an ngen

Rel lut turah ILP checkpoint
siam belh leh khauh an ngen
MIMA leh Sihhmui khawtlang hruaitute chuan Sairang thlenga rel lut turah ILP check point siam belh bakah check point dang pawh khauh taka enkawl an duh tih an sawi.
Sumdawng pawl intelkhawmna – Mizoram Merchant Association (MIMA) hruaitute leh Sihhmui Village Council, YMA, MHIP leh MUP chu chu Thawhtanni khan Sihhmuiah an thukhawm a. Sairang rel station, Sihhmuia rel lo lut mai tur thlirlawkin, engti anga lo dawnsawn chi nge tih an sawiho.
Mizo hnam himna kawng sawiho a ni a. Sihhmui VC leh all NGO hma lo lak tawh dan sawizau a nih bakah an hmalakna leh lo inpuahchah tawh dan report a ni.
Hmalak tawhna bawhzuina ni pahfawmin, joint meeting hian resolution a siam a. ILP check point /gate Bairabi a awm chu changtlung zawk, felfai leh khauh taka enkawl nise; Sairang Sihhmui Rel Station-ah hian ILP check point siam a, felfai leh khauh taka enkawl nise, an ti a. Hei hi sawrkara thlen an tum a ni.
In hmun lo ram, hnamdang hnenah hralh a nih lohna turin hma lak an duh a. Sihhmui ramchhunga hmun hran atanga ram neite pawhin hnamdang hnena hralh lo turin an ngen lawk.
Mizo hming hawha hnamdang sumdawng /dawrkai awm phal loh ni se, an ti a. Mutia-ten rate mumal leh fel zawka hna an thawh theihnan sawrkarin hma la se, an ti bawk.