Rel tlan dan tura tih darh a dik famkim lo

Rel tlan dan tura tih darh a dik famkim lo
Sairang thlenga rel service turah tunhnaia social media lama thehdarh chu a dik famkim loa, thuchiang chu Railways-in an hotute hming ziahhnanin an la tichhuak dawn tih an sawi.
The Aizawl Post-in a zawhnaah North East Frontier Railways public relations officer Nilanjan Deb chuan, tunhnaia Saireng leh Delhi vel inkara rel tlan dan tur leh a hun (timing) tih darh chu tih chian (confirm) a la ni loa, Sairang – Delhi hi kar khata vawi khat tura ruahman chu a ni ngei a, rel tlan tur number leh a tlan chhuah leh thlen hun tur tih vel chu thuchiang a la ni lo tih a sawi.
Saireng leh Guwahati leh Silchar inkar chu nitin tlan tir tum a ni tih a chiang a, Sairang leh Kolkata inkar pawh kar khatah ni hnih-thum tal tlantir tum niin, a timing leh chuan man tur lam erawh tihchhuah ala ni loa, computerise vek a nih dawn avangin chuan man pawh hi book hunah a chiang mai dawn tih a sawi a ni.