Retailer 35% vel bak buhfai la pe lo – MNF Thalai

Retailer 35% vel bak buhfai la pe lo
– MNF Thalai
Aizawl khawpui chhunga retailer zaa 35 velah bak March thla quota ration buhfai pekchhuah a la ni lo tih MNF Thalai chuan sawiin, tun kar chhunga sawrkarin a pe kim lo a nih chuan a tul anga hma lak an tum tih an sawi.
MNF Thalai Aizawl East-I Block thuchhuak chuan, 2025 March 22 thleng khan Zuangtui kudam atangin Aizawl veng hrang hranga awm tur buhfai chu retailer zaa 35 velah bak pek chhuah a la ni lo tih a sawi a. Kalphung thar hnuaiah thla tirah ration buhfai kan la thei lo a nih pawhin, thla tawp lamah tal chuan hnianghnar leh nghah ngai loin buhfai hi lak theih awm tak a nih laiin, ZPM sawrkar hnuaiah buhfai sem chhuah danin mumal a nei thei meuh lo tih a sawi.
‘FCI-in Mizoram buhfai mamawh zaa 50 vel a supply sak thin hnu ah, LZ Juice-in buhfai grade-C a supply chung pawhin, a hun taka mipui buhfai min leitir thei lo hian, ZPM sawrkar leh Supply minister a chak loh zia a langchiang hle. Karleh chhunga buhfai hi retailer-ah sawrkar hian a pe kim thei lo a nih chuan, a tul angin hma kan la dawn a ni,’ a ti.