Revel 0-9 Paris St-Germain

Pathianni zan French Cup inkhel pakhatah Kylian Mbappe chuan hat-trick siamin, sixth-tier amateur club Revel khelmualah Paris St-Germain chuan 9-0 hnehna an chang a, goal thum thawhtu France striker hian cup bikah PSG taa goal khung hnem ber nihna a luah thar.
Kum 25 mi Mbappe hian minute 16-ah goal hmahruai khungin, half-time dawna a goal khat tihluh leh hmangin cup inelna bika PSG player awm tawh zawng zawng zinga goal thun hnem ber nihna rochn turin French Cup bikah game 22 a\angin goal 30 a thun tling chiah a ni.
He mi hnu hian Marco Asensio goal khat thawh leh Revel own goal hmangin PSG chuan sili faia hmahruai chungin chawlhlawk an hmang.
Second half \an hnu lawkah PSG record goalscorer leh France captain ni bawk Mbappe chuan a recod thar lawmin goal khat dang a khungbelh leh a; PSG goal li dang hi Goncalo Ramos leh rawlthar kum 19 mi Cher Ndour-te bakah Randal Kolo Muani goal hnih tihluh belhkhawm a ni.
Pathianni game kha Castres khuaa Revel-in stadium atana an hman Stade Pierre-Fabre lama khelh niin, inkhel entu fans 2,000 chiah lena khelmual a ni!