RIAA Highest Certified Country Artist of All Time – Morgan Wallen

RIAA Highest Certified Country Artist of All Time – Morgan Wallen
Billboard-in Top Artist of 2025-ah an puang tawh a, kumin chu mellung a phun belh zel a ni ber e, Morgan Wallen chu Recording Industry Association of America (RIAA)-in highest certified country artist of all time a nih thu an puang. Morgan Wallen hian maktaduai 239.5 certified singles (solo leh collaborations) leh maktaduai 26 albums a nei tling ta a, kumtir lama RIAA highest certified country artist of all time-a an lo puan taw Luke Combs a rawn lehpel ta a ni.
Country chauh ni lo, genre zawng zawng huap pawhin Morgan Wallen hi RIAA most certified artist pathumna a ni pha a, Drake leh Taylor Swift te chiah a pha lo. Wallen hi genre zawng zawng huapa digital singles-certified solo artist-a No.2 a ni pha bawk.
Morgan Wallen hian RIAA Gold certification a neih masa ber chu kum sarih liamta a a hla ‘The Way I Talk,’ leh ‘Up Down’ te a ni a, RIAA Gold certification chu US-a hla emaw album emaw 5,00,000 hralh tlin theih chhinchhiahna an pek thin a ni. 2019-ah a hla ‘Whiskey Glasses’ chu Gold a kai leh bawk a, tunah chuan he hla hian 13x RIAA Platinum a kai tawh. Platinum certification hi US-a hla emaw album emaw maktaduai hralh tlin theih chhinchhiahna a ni a, 13x Platinum a nih chuan US-ah maktaduai 13 an hralh thei tihna a ni).
Morgan Wallen hian hla hrang hrang, amaha a zaina bakah midang a zaipuina te pawh tel vekin, US-ah maktaduai 239.5 a hralh tling tawh a, a album hrang hrang pawh maktaduai 26 a hralh tling tawh bawk. Heng zawng zawng hi kum sarih chhung lekin a thleng hman a ni.
Morgan Wallen hian RIAA Diamond certified singles (hla US-a maktaduai 10 hralh tlin theih) panga a nei tling tawh a, kumin kumtir lam khan a studio album palina “I’m the Problem” a tlangzarh a, thla sarih chhung lekin 4x Platinum (maktaduai 4) a kai thei a, he album-a hla 37 zinga 22 te chu RIAA Gold leh a chunglam an kai vek bawk. A album hmasa “If I Know Me,” leh “Dangerous: The Double Album” a hla zawng zawng paw RIAA certification nei thei vek an ni bawk.
Wallen hian RIAA Diamond-certified (US-ah maktaduai 10 hralh theih hla) emaw a aia sang emaw hla panga a nei tawh a, chungte chu “Heartless,” “Last Nigt,” “Wasted on You,” “Whiskey Glasses,” leh “Chasin’ You” te niin, a album ‘Dangerous: The Double Album,” leh “One Thing at a Time” te pawhin RIAA 9x Platinum (US-a maktaduai 9 hralh theih) an kai ve ve tawh bawk.